16.03.2011

და რომელ "ქვეყანაში"-ო!?

ტურისტული კომპანიები ასე რომ გარჩევინებდნენ ქვეყნებს და მარშრუტებს...
კარგი, გაზაფხული ვერ ვიგრძენით. მაგრამ ზაფხული მოდის და დიდი იმედი მაქვს რომ მას მაინც შევირგებთ. თუმცა შარშანდელივით თუ განმეორდა!?.. წყალი, სიცხე, მდუღარე ზღვა... არ ვიცი რა იქნება. რაც არ უნდა იყოს ამ ნესტისაგან გამოვშრებით მაინც. ზაფხულის მოახლოვება უკვეიგრძნობა სამსახურშიც. აფუსფუსდა ხალხი. წინასწარ ადგენენ საშვებულებო გრაფიკს. ძირითადი ბრდღვნა აგვისტოზეა ( ზღვაზე უნდათ ალბათ დასვენება ). სასაუბროთაც ახალი თემა შეგვემატა- "შებულებას სად გაატარებდი?".
თუმცა ამაზეც როდი ვჩერდებით. უბრალო მოკვდავები იმდენად ვკადნიერდებით რომ "შვებულებას რომელ ქვეყანაში გაატარებდი"-ო ვიკითხეთ კიდეც.
აქ კი ისეთი ომი წავიდაა... წინასაარჩევნო კომპამნია მიმიქარავს. ფაქტია რომ ყველას სული აუწანწალდა მაგრამ საქმე სულ სხვა რამეშია. გემოვნებაზე არ დაობენო გაცვეთილი ფრაზაა. არ დაობენ ჩხუბობენ. თან როგორ. რაც მთავარია გავიგე რომ მსოფლიო ტურისტული რუქა ძალიან ადვილად შეიძლება ორ სექტორად დაჰყო. ის სადაც უნდა წასვლა ქალბატონებს და ის სადაც უნდათ დასვენება ვაჟბატონებს.
  • გაირკვა რომ რომანტიკა შემოტეული მანდილოსნების თითქმის უმეტესობას თავისი შვებულების გატარება დედამიწის ზომიერი სარტყლის მშვენიერ ქალაქებში ურჩევნიათ. პარიზი, რომი, ბარსელონა, ბერლინი და ასე შემდეგ. ნუ რათქმაუნდა კურორტებიც და გამოერიათ. მაგრამ ძირითადი ორიენტირი მაინც ეგ იყო
  • მამაკაცები კი ტროპიკული სარტყლისკენ იხრებიან. ბალი, ტაილანდი, რიო, ჰაიტი. ანუ სადაც ბიკინი ხარობს. თუმც გამონაკლის არც ხმელთაშა ზღვის კურორტები წარმოადგენენ. მაგრამ ძირითადი ორიენტირი მაინც პალმა, ზღვა და ბიკინის მატარებელთა მშვენიერი ტომის არსებობაა. 
რაღაც დეტალებში მართალია ჩვენი გზები გადაიკვეთა. მაგრამ პოზიციების დათმობა არც ერთს არ სურდა :
  • "ფიф, ბიკინის ხამები. ვითომ კუპალნიკიან გოგოებს აქ ნაკლებად ათვალიერებენ".
  • " არა ბიჯო, ეიფელზე თუ არ ავედი და წითელ ბერეტში, მიტოვებულ სიყვარულზე ცრემლები არ ვაღვარღვარე ისე რავა..."
  • " ხო წავლენ მერე, გამოამზეურებენ ამ ხინკლით დასიებულ ღიპებს შეზლონგებზე და იქაც გამოთვრებიან. რა იცით თქვენ დასვენების..."
  • "არა, სასურათედ რომში ჩამავალი მზე თუ არ დავიდე ხელის გულზე, სურათი თუ არ დავდე ოდნოებში ისე რაა ცხოვრება?"
  • "ხო,ხო გამოტენტერდებიან მერე დისკოტეკებზე ისე რომ ნომრამდე მისათრევი დარჩებიან. ჩამოვლენ მერე და მოყვებიან ზღაპრებს - ისეთი მულატკა მოვხსენი და ასეთი ქალი შევაბიო"
  • " არა ბიჯოს, მოვივლით ევროპას და მერე სტამბულში ნაყიდ კაბაზე დავიწყებ ტრაბახს რომ ეს მარსელში ერთ ბუწიკში შევიძინეეე, ისე გამიმართლააა, ფასდაკლებაზე მოვხდიიი"
ეს კიდევ ყველაზე მსუბუქი ამონარიდია იმ ურთიერთ ბრალდებების კორიანტელისა რაც წინასამოგზაურო დაგეგმარებას მოყვა. დიდი დავიდარაბის შემდეგ, როცა ყველამ გააცნობიერა რომ "ამ ხელფასით პარიზში და ბალიზე კი არადა კვარიათშიც ვერ დაისვენებს ადამიანი". შევთანხმდით იმის თაობაზე რომ უცხოეთში წასვლას არაფერი სჯობს თუ ჯიბეში სათანადოდ ყვავა ევროს ან დოლარის კუპიურა. თუმცა მოგზაურობა ძალიან გემრიალი თემაა და ამას სამომავლოდ შემოვინახავ. წინა საშვებულებო და სამოგზაურო ილუზიებისთვის კი, პატივცემულო მამაკაცებო, აი ამ სურათს გთავაზობთ. ქალების არ ვიცი მაგრამ ჩვენ საკმაოდ დიდხანს მოგვიწევს ფიქრი თუ რომელ ქვეყანას ვეწვიოთ :)

Комментариев нет:

Отправить комментарий

და შენ რას ფიქრობ ამის თაობაზე ?!