ხეტიალის დროა - ციხისჯვარი, ცემი, ბაკურიანი

 ის, რომ მოგზაურობა კარგია ამას ყველა საშუალო სტატისტიკური გამოკითხვა ადასტურებს. ის, რომ მოგზაურობა აუცილებელია ამას სამუშაო ერთფეროვნებისგან დაღლილი თითქმის ყველა ადამიანი გეტყვით. ჰოდა, ვერც სტატისტიკას გავექცევით და ვერც ახალი ემოციებით შევსების კატასტროფულ აუცილებლობას. 

დევიზით "ბაღანას ჰაერის გამოცვლა უნდა", სამი სეზონის დეფილეს სამყოფი სამოსით დაძეძგილი ჩვენი ენტონი (NISSAN NOTE) ახალი თავგადასავლებისკენ დაიძრა. მოგზაურობის შესახებ ვლოგი მალე იქნება. მანამდე უბრალოდ ბეტონის ჯუნგლებიდან გამოქცეული ადამიანის აღტაცება მინდა გაგიზიაროთ რომელიც მონატრებულმა ხეტიალმა გამოიწვია. აქ ჩვეულებრივი "საკურორტო" ფოტოები არ იქნება. ეს სოფლის კოხტა ლოკაციების ამსახველი ფოტოებია. ციხისჯვარი, ბაკურიანი, ცემი.  თითქმის ყველაფერი რაზეც ჩემი ფუჯის ობიექტივის მზერა შეჩერდა. ძირითადად მაინც სახლებია, ხის, ძველი, კოხტა და მოხდენილი. იმედია მოგეწონებათ ჩემი ფოტო კოლაჟი 

როცა სოფლის ეზოებით ტკბობას მოვრჩით, ბილიკმა ღრუბლების გადმოსახედიდან გაგვიტყუა. კი, აშკარად ღირს ხეტიალი და იმაზე დავა თუ სად უფრო ლამაზად ჩადის მზე, მთაში თუ ზღვაზე.

აი, ასეთი იყო ჩვენი მოგზაურობის ერთი ამბავი. ფაქტია - უნდა ვიმოგზაუროთ, რაც შეიძლება ხშირად და რაც შეიძლება შორს. თუმცა ეს სიშორეც ხშირ შემთხვევაში პირობითია. ზოგიერთის აღარც ჩრდილოეთ პოლუსი ეჩვენება შორს, ზოგიერთისთვის კი ქალაქის გარეუბანიც  ლამის სერიოზულად მოსამზადებელი სალაშქრო თემაა. ასეა თუ ისე, საჭიროა და აუცილებელი. 

დაელოდეთ, ახალი ამბები მალე იქნება