ვაშა,"ნათლობა" შედგა

ვაშა. დიდება, გვეღირსა. აჰა ფეერვერკიც და გადაჭრილი ლენტი.ნათლობა შედგა

როგორც იქნა გავიგეთ თუ რა ფუნქცია უნდა ეკისრა ბათუმის ბულვარის შესასვლელთან გაწოლილ თეთრ "ტალღა-დელფინ-რაღაცას". რას არ აბრალებდნენ. ტელევიზიით იმასაც კი გვიმტკიცებდნენ რომ ეს არწივის თვალიაო და აქ ტურისტებისთვის საგამოფენო სერვის-ცენტრი იქნებაო. მერე არაო. ეგო ნიჟარააო და მაქ საგამოფენო დარბაზი იქნებაო ( რისი ვერ გავიგე ). მერეო არაო. მაქ კაფე ბარი იქნებაო. მოკლედ კენედის მკვლელობის გარდა ყველაფერი დააბრალეს.

საწყალი "ტალღა-დელფინ-რაღაცა" კი იდგა (თუ იწვა) და ელოდა თავის ბედს.
და აი ისიც... ვიღაცას გაახსენდა,ან მოაფიქრდა, ან დაესიზმრა. მოკლედ ვიღაცამ თქვა რომ მანდ ქორწინების სახლი კაი იქნებოდაო და მართლაც.. ქორწინების სახლი არ ყოფილა? აქ რამ მოგიყვანა შენ მადლიანო შენა ჰაა?
მოკლედ ასეა. დღეს ოფიციალურად გავხსენით. ოფიციალურად დავაქორჭინეთ ოფიციალურად მოსული ოფიციალური წყვილები და ოფიციალურად გავისროლედ ფეერვერკებიც.

ისე კარგი გადაწყვეტილებაა. ბულვარის შესასვლელში ქორწინების სახლი. მერე წყვილი ბულვარს გაყვება ფოტოებს გადაიღებს. მერე იქვე, ყოფილ აჭარა მიუზიკ ჰოლის თეთრი ტენტით გადაჭიმულ "სეფა-დარბაზში" იქორწინებს. მერე ქორწილიდან მთვრალი პერსონები იქვე გვერდით დელფინზე აღოღდებიან სურათის გადასაღებად, მომღერალ შადრევნებს აჯობებენ სიმღერაში და ბოლოს ზღვის პირას გაგრილდებიან.
ასე რომ არ გაგიკვირდეთ პლაჟის მიმდებარე ტერიტორიაზე დედოფლის მიერ სხვებისთვის გადაგდებული საქორწინო თაიგულის ნაფლეთები რომ იპოვოთ.

გამრავლდით და გაიხარეთ.

მართლაც კარგი გადაწყვეტილებაა.

საინტერესოა ბულვარის თავში თუ ქორწინების სახლი დადგეს. ბულვარის ბოლოს ნეტა რა იქნება???