29.11.2013

მოწყალეო ხელმწიფევ - ანუ 80 კადრი საუკუნის წინანდელი ბათომიდან


ჩაი სტაქანში, ნატეხი შაქარი პრიპუსკით, კონიაკი რუმკით, ბურჟუიკის პეროგი, ირინკა ვადაჭკორიას ლობიანი, ბილიათოღლის პაპიროსი, მიხრანციანცის ტკბილი წყალი, ქიშვარდი ჟორდანიას ოტკა სურების თხილით, ნამცხვარი ბატუმსკი, იშვიათი ხილი ფორთოხალი და დები იშხნელები ძველ, გრძნობებით და მზით დათანგულ სიყვარულზედ. თუმცა მანადე იყო დეპეშა.

მოწყალეო ხელმწიფევ


მოწყალეო ხელმწიფევ, ძალზედ მოხარული ვინქებით, გიხილოთ ბათომის ძველი ფოტოსურათების გამოფენაზედ....


და მეც გავეშურე ელექტრომაშინის საშვალებით შუშის ნეგატივიდან გაცოცხლებული ფოტოების სანახავად.

გამოფენაზედ

დარბაზი სავსე იყო. აქ ბლომად იყვნენ უჩინონნი და ჩინიანნი. ეს უკანასკნელნი კი სცდილობდნენ დიდის ყურადღებით ესმინათ ვიპ ჩინოსნისთვის რომელიც საკმაოდ კომფორტულად გრძნობდა თავს ამ ეგზომ მშვენიერ გარემოში. იყო ბევრი მილოცვა, ტკბილი და თბილი მოსასმენი სიტყვები, კონიაკის ჭიქის წკარუნი. ხვევნა კოცნა და დიდი სურვილი გამოფენილ სურათებამდე მიღწევის, რომელიც ისევ ხვევნა კოცნით მთავრდებოდა.


სანამ სურათებამდე გზა განთავისუფლდებოდა დამსწრე საზოგადოება დიდის სიამოვნებით ატკვარუნებდა შაქარქინულს და ანადგურებდა ტყლაპისა და ჩირის ზამთრის მარაგს. ზოგიც ჩა-ს ეწაფებოდა ზოგიც კონიაკს და ბაასობდნენ იმის თაობაზე თუ რა კარგი ყოფილა ეს იდეა რომ მოუვიდათ ორგანიზატორებს თავში და მეტიც, ის რომ ეს იდეა განახორციელეს.

ფოტოებზედ

 ხანმა განვლო და ხალხმაც იკლო. როგორც იქნა შევძელი კედლამდე მიღწევა და აი ისინიც. საუკუნის წინ გადაღებული ფოტორბი და საუკუნის წინანდელ ბათუმში მცხოვრები ბათუმელები.



გონიოს ციხე

სასეირნო ნავი "ტარზანი"

სახლი ხულოს ქუჩაზე

კოლექტიური ფოტო "თამარის ხიდზედ"
ეს ის ფოტოებია, გადაღების დღიდან რომ იმტვერებოდა მუზეუმის საწყობებში და ბათუმზედ შეყვარებული ადამიანების წყალობით კიდევ ერთხელ იხილეს დღის სინათლე. გაცოცხლდა ძველი ბათუმის ქრონიკები. კამერის წინ, საუკუნის წინადაც ადამიანები ისე კეკლუცობდნენ როგორც ახლა. ისევ ისე პოზირებდნენ და ჩვენგან განსხვავებით ფოტოებს ამჟღავნებდნენ, ინახავდნენ და უფრთხილდებოდნენ. ჩვენ კი ჩვენი გაციფრულებული რეალობით.... თუმცა ეს სხვა თემაა

შოთაზედ

შოთა გუჯაბიძე
ეს შოთა გუჯაბიძე გახლავთ. ამ პროექტის ერთერთი სულის ჩამდგმელი და ორგანიზატორი. დიდი მადლობა შოთას და ბატონ ბიძინა აფხაზავას, და კიდევ ყველა იმ ადამიანს ვინც ეს მართლაც არაჩვეულებრივი იდეა განახორციელა. როგორც მე ვიცი კიდევ ბევრი ფიტი ელის გამომზეურებას. ეს ყველაფერი ძალიან მომწონს. წარმატებები ბატონებო. ხოლო ბატონ შოთას აქვე, კიდევ ერთხელ ვულოცავ დაბადების დღეს. ყველაზე საინტერესო საჩუქარი ისევ და ისევ თავის თავს გაუკეთა ამ გამოფენით :)


მომავალზედ

გაივლის დრო და საუკუნის მიჯნაზე ენთუზიასტი ახალგაზრდები და ისტორიის მოყვარულნი გამოამზეურებენ თავის დროზე გაციფრულებულ ჩვენს, დღევანდელ ბათუმს და ბათუმელების ყოფას. გააკეთებენ გამოფემას და დღევანდელის დარად, შესაბამისი ელფერით - ჩვენი ეპოქისთვის დამახასიათებელი აქსესესუარებითა და დეტალებით შეავსებენ მათ.

იქ მოხვედრილი დამთვალიერებელი მიირთმევს ჩიზქეიქსა და ბრაუნს, მიასმევს რედბულსა და კოლას, მოუსმენს მეფეს და დაათვალიერებს 21 საუკუნის დასაწყისში დაფიქსირებულ ჩვენს ყოფას - რანი ვიყავით. თუმცა ვეჭვობ - ხაჭაპურის, თხილის და ჭაჭის გარეშე ვერც ეგ გამოფენა ჩაივლის.

აწმყოზედ

ხოლო მანამდე თუ ბათუმში ხართ ან აპირებთ ჩამოსვლას. აუცილებლად იხილეთ აქამომდე არნახული გამოფენა ხარიტონ ახვლედიანის სახლმუზეუმში





Комментариев нет:

Отправить комментарий

და შენ რას ფიქრობ ამის თაობაზე ?!