06.06.2011

გარეცხილი ბალი და ორი ბორბალი.

ფრთხილად. გარეცხილი არარის!!!
დღე იყო ჩვეულებრივი. თუმც რამოდენიმე მნიშვნელოვანი დელატი, როგორც მამიდაჩემის გამომცხვარ კექსს ქიშმიში, მაინც ერია. მაგალითად ის რომ რენე ჰარლენმა130 ცალი ხინკლით ჩასკდა დილის 4 საათზე. შერონ სტოუნმა თბილისის ძველი უბნები დაიარა, ხილით მოვაჭრესთან მივიდა, ბალი აიღო და ის გააკეთა რამაც მთელი ქართული მასმედია აღაფრთოვანა... ჰოი საოცრებავ, სტოუნმა ბალი ჭამის წინ გარეცხა ხალხოო, წარმოგიდგენიათ? აი თურმე რა გვაკლდა, აი თურმე რატომ არ გვიღებენ ნატოს კარს. ბალს ჭამის წინ გარეცხვა უნდა? არა რაა, რა უცნაური ახირებები აქვთ ამ ვარსკვლავებს... საწყალი ენდი გარსია კი სადღაც დაჩანჩალობდა. არადა არც არავინ დაინტერესებულა სად დადის ეს კაცი, რას შვება, ეგებ გაურეცხავს ჭამს რამეს.. თუმცა ვის ახლოსვდა გარსია როცა ბალის მრეცხავი სტოუნი დადიოდა ქუჩებში... ისე ეგ ისეთი ტუტუცია ჭამის წინ ხელების დაბანასაც იკადრებდა... მაგრამ სტუმარია მაინც და ბოლომდე არ ჩაეძიეს ჟურნალისტებმა...

ხო, კიდე ერთი ქიშმიში ისაა რომ  საქველმოქმედო ვახშამზე სტოუნი სავარაუდო დააგვიანებს-ო. ძალიან ბევრი იქვითინა ფილმზე და წავა სასტუმროს ნომერში, ცოტა ჭკუაზე მოვა და მერე გვეწვევაო.
მოკლედ მივიდა თუ განაგძო ქვითინი აღარ ვიცი. სულ სხვა რამ გასართობი მელოდა. კერძოდ კი ჩემი ოთხბორბლიან ტრანსპორტზე გარდამავალი პირველი ეტაპი. ჩემი ორბორბლიანი ფაქიზო. "რას გვიკეთებს ეს მთავრობა"-ს ფონზე ბათუმზე უკვე კარგა გემოზე გადაიჭიმა ველო-ტრასები. + როგორც იქნა დათბა + აღარ წვიმს + სახლში ყოფნა აღარავის სიამოვნებს + ბარში ჯდომის რეკორდი კარგა ხანია მოვხსენი + ბათუმის ქუჩებში გადაადგილების საუკეთესო საშუალებაა + მახინჯაურიდან აეროპორტამდე გზა ხსნილია + მშვენიერი საღამო გასასეირნებლად = ველოსიპედის ყოლის მშვენიერ არგუმენტებს. ხოდა ასეც მოხადა...
ჰორიზონტზე ღრუბლები გაღმა ნაპირის ხეებს ჰგავდნენ
ბულვარი ექსკურსიაზე ჩამოსულთა სიმცირეს ნაღდად არ უჩიოდა. ბავშვები იყვნენ ყველგან, ზღვაში, ბილიკზე, სასეირნო მატარებლის ვაგონებში, ველოსიპედის გაქირავების პუნქტებში, ველოსიპედებზე, ზოგი ველოსიპედის ქვეშაც. მაგრამ ძრითადად კლასის დამრიგებელთა ხმები ისმოდა : "გათენაძე, ამოეთრიე წყლიდან. გალურჯდი ხო ხედავ შე უბედურო!?", " ღვინჯილიააააა, მურე წიე მუუ? ქუმორთი აშო სი ჯოღორია სი, დიი?" , " ბოვშებო ხაჭაპურიძე წამოგვყვა საერთოდ თუ აქანე დავკარგეთ? ნენა რა დაბნეული ბაღანაა ჰაა!?".
ახალი ბულვარი კი შედარებით მყუდროდ გამოიყურებოდა. სხვათაშორის აქ ერთი საინტერესო სიურპრიზიც მელოდა. ცოტა ხნის წინ  დაწყებული, სკულპტორთა კონკურსის უკვე ხილვული, აღმართულ დადგმულ შემართული ქმნილებანი. სიმართლე გითხრათ ცოტა დამაფიქრა. ზოგი რამ მომეწონა, ზოგიც მომეწონა იმიტომ რომ ვერაფერი გავუგე, ზოგსაც გავუგე - მაგრამ არ მომეწონა. ყოველ შემთხვევაში მიყვარს როცა ქალაქში საინტერესო და ორიგინალური ქანდაკებებია მობნეული.

ხოდა ასე. ჩემი ფაქიზო მომიწონეს. კარგი შენაძენიაო. თავადაც კარგად მიერთგულა. ახალი ბულვარი და ბერეგი დღის საღამოს განმავლობაში ორჯერ დავლაშქრეთ. გამოცდას გაუძლო და ვარგისიანად იქნა ცნობილი. სამაგიეროდ მე გავხდი უვარგისი. სახლში რომ ამოვედი მერე ვიგრძენი როგორ ძგერდა გავარვარებული ფეხის კუნთები. და რატომ აკეთებენ ამ სკამებს ასე ვიწროს და მაგარს.... ჰა?

წავალ ახლა მაცივარს გამოვაღებ. უკვე გარეცხილ ბალს გამოვიღებ და კიდევ ერთხელ გავრეცხავ... ასე უფრო ახლოს ვიქები შორენასთან...

Post a Comment

3 комментария:

  1. :))) xo, aba rogor. sensaciebis moyvaruli xalxi vart :)) baliii. chagetvalaa!!!

    darcmunebuli var zalian kargi iqneba velosipedit gaseirneba. male mec shemogiertdebit batumshi :)

    ОтветитьУдалить
  2. ბათუმი გელით ;)

    დეიდა შორენამ მართლა დიდი "კვალი" დატოვა ხილბოსტნეულის მომხმარებელთა უნარ-ჩვევებში :)))

    ОтветитьУдалить

და შენ რას ფიქრობ ამის თაობაზე ?!