შვებულება გრძელდებაა

შვებულება გრძელდება. მაგრამ ისე არა როგორც მე მეგონა. ჯერ ერთმა მთხოვა ბავშვი მომინათლეო. მერე კურსელმა იმ თვეში ცოლი მომყავსო და თითქოს სამზადისი დავიწყე. მაგრამ თურმე სად ხარ. ძმაკაცი მოვიდა და მოემზადე, ჩემი მეჯვარე უნდა იყოვოოო. თქვე კაი დედმამიშვილებო შვებულებაზე პირი შეკარით მეთქი?!
ასე რომ საააკმაოდ საინტერესო შვებულება მაქვს. მეჯვარეე... მდაა. ვერსადროს ვერ ვიტანდი პიჯაკებს და ჰალსტუკებს. 5 წელი ტუფლის საყიდლად მივდიოდი და კეტით ან ბოტასით ვბრუნდებოდი. ახლა კი, ისევ და ისევ სიძის მოთხოვნით, გამოვიწკიპო უნდა...კოიოსავით დავჯდე. როცა მეჯვარეს ახსენებენ წამოვდგე. ჭიქიან ,ღიპიან ბიძებს მადლობები უნდა ვუხადო იმ სადღეგრძელოებისთვის რასაც ფაქტია რომ იმ ხმაურში ვერ გავიგონებ, მერე "ვაგონი მიქრის" და "ეხ ადესა"-ს იცეკვებენ... სხვები ჭამენ და შენ გიცქერენ... ყოველთვის ვხალისობდი ასეთ, ცოტა არ იყოს შაბლონურ და სასაცილო წესზე. მაგრამ არ ველოდი თუ იგივეს გამოცდა მეჯვარის სტატუსში დამემუქრებოდა. არაა..ავბუნტდები. აბა რისი გურული ვარ. გადავატრიალო უნდა ეგ ტრადიცია (ყოველ შეთხვევაში ამ ქორწილში მაინც) რაც არ უნდა იყოს მეჯვარის პრიველეგია მაქვს ;) ოოო საინტერესო იქნებააა...

სიმართლე გითხრათ მაგრა გამიხარდა. ჩემი ბავშვობის ძმაკაცს მეჯვარედ რომ ვუნდივარ. თან ვინ-ვინ და მის ქორწილს ნამდვილად ვერ წარმოვიდგენდი ასე მალე. არავის არ ჯეროდა, მე თავიდანვე ჩამაყენა საქმის ყურში და ასე რომ დიდად არ გამკვირებია ქორწინების ამბავი, აი მეჯვარე კი... არ მეგონა. ხო ხო ხო...ეკლესიაში გვირგვინის ჭერა... ტორტი მუხლებზე...პირველი ცეკვა...სამადლობელოები...განსხვავებულები...მოღეღილი საყელოები...აკოტავებული სახელოები და მერე ჰეჰეეეე....

      აქვე მეორე საინტერესო მოვლენა მოხდა. დღეს მეგობრის მანქანაში მობილური ტელეფონი დამრჩა. ოოო რა გრძნობა ყოფილა ეგ... როცა სიჩუმეში დაგებადება კითხვა რატოარ რეკავს, მერე ჯიბეზე ხელს იტაცებ, რო ვერ იპოვი გაგაციებს,თვალით უცებ ძიებას დაუწყებ და მერე გაგახსენდება რომ დაგრჩა...სიჩუმეააა. გირეკონ, გწერონ, გასკდეს ტელეფონი ...მაინც არაფერი გამოვა. 5 დღიანი ტაიმაუტი მაქვს აღებული. დავისვენებ ტელეფონისგანაც :) ეგ იგივე ყოფილა.საათს რო დიდხანს ატარებ და მერე მოიხსნი - რო გგონია რო გიკეთია და შიშველი მაჯა რო დაგხვდება....

მოკლედ. აი ასეთი შვებულება მაქვს... და გრძელდება კიდეც :)