14.02.2013

ვაჟა ტუღუში - მთვარის კლუბი 1/2

ყველა ქალაქს თავისი განწყობა მოაქვს. ყველა ქალაქს თავისებურად უტყდებიან სიყვარულში. თბილისისს ძველი, ქალაქური სიმღერებში. ქუთაისს გიტარაზე აკვნესებულ, ჩაკვარახჭინებულ ჰანგებში. ბათუმს კი სულ სხვანაირი სიმღერა შეშვენის. აი ისეთი - ვაჟა ტუღუშის სიმღერების ნაირი. რამდენ ჩვენთაგანს ჩაგვრჩენია მისი სიმღერა, მელოდია, მოტივი მეხსიერებაში. თან გაგვყოლია და გვიღიღინია

ძნელია გადმოსცე გრძნობა სიმღერით. ძალიან ძნელია სათანადო სიტყვები, მოტივი და მელოდია მოუგონო შენს საყვარელ ქალაქს . თუმცა ის არ იგონებს, ის უბრალოდ წერს იმას რასაც ქალაქი, ნაპირი და ზღვა კარნახობს. მისი სიმღერების წყალობით ყველას, მიუხხედავად იმისა თუ სად იმყოფება - გაასმაგებით უყვარდება და ენატრება ბათუმი. თუ ბათუმზე გემღერება - ეს ვაჟას სიმღერებია

და განა მხოლოდ ქალაქზე?!  ზოგმა შესაძლოა არც კი იცოს რომ მისი საყვარელი სიმღერა, რომელშიც ქუჩაში, ერთხელ, ნაცნობი ქარის მიერ მონატანილმა სურნელმა ის ერთადერთი გაახსენა - სწორედ ვაჟას სიმღერაა .

დღეს მინდა ეს ადამიანი უფრო ახლოს გაგაცნოთ. ყოველგვარი პათოსის, ჰალსუკის და ჩარჩოს გარეშე. მთვარის კლუბის სტუდიის სტუმარი ვაჟა ტუღუშია


Комментариев нет:

Отправить комментарий

და შენ რას ფიქრობ ამის თაობაზე ?!