Mission Impossible 4 ბათუმურად

სასულე ორკესტრი ( ბათუმი 30.12.2011 )

Свежий закон джунглей - ცოტა რამ ბანდერლოგების შესახებ

დიდად არ მიყვარს ბლოგში პოლიტიკაზე საუბარი. მაგრამ ამ კონკრეტულმა შემთხვევამ ძალიან დამაინტერესა. რუსეთში მიმდინარე მოვლენებს ვინც თვალყურს ადევნებს ისიც იქნება ცნობილი რომ 15 დეკემბერს, სამართლიანი არჩევნების მოთხოვნით მოედანზე გამოსულ მომიტინგეებს ტანმოკლე ფაშამ, რომელსაც რიგი ქართველებიც კი ეტრფიან (დიახაც, ჩემდა გასაკვირად ) არც მეტი - არც ნაკლები, ჩვენი ბავშვობისდროინდელი ერთერთი სახელგანთქმული წიგნის "მაუგლის" პერსონაჟების "ბანდერლოგების" წოდება მიანიჭა. ბანდერლოგები, რომლებმაც გაუხურეს საქმე თავიანთი ბლოგებით :)

როცა გურული ჯანდაბაში გიშვებს !

გურლიაში ყოფნისას, ან გურულთან ურთიერთობისას სხვა მეტად საცნაურ ან უცნაურ სიტყვასთან ერთად ვინ იცის რამდენჯერ გაგიგონიათ "სად ჯანდაბაში მიდიხარ" "რა ჯანდაბაა" და ჯანდაბის შემცველი კიდევ არაერთი წინადადება. მართალია იტყვით ამ სიტყვას დღეს ყველა ქართველი ხმარობსო, მაგრამ ეს ყველაფერი გურიიდან მოდის. ჯანდაბა, კურმუხეთი, სკვარამი და ძმანი მისთანანნი. თუმცა მოდით ჯანდაბიდან დავიწყოთ. "ჯანდაბამდეც გზა გქონია" გაგიგიათ ალბათ გაბრაზებული წამოძახილი. თუმცა აქვე მინდა გითხრათ რომ ეს წყევლასთან არანაირ კავშირში არ არის. ნუ გაგიკვირდებათ და გეტყვით ჯანდაბა კონკრეტული ადგილია, კერძოდ კი ქალაქი. დიახ ქალაქი და ეს ქალაქი არც შავ ზღვაზე და არც ხმელთაშუა ზღვაზე არ მდებარეობს. 

"გურია არსებობს" თქვაა ( "ლაზიკა" კაია გეიხარე..მარა!? )

გამეორება ცოდნის დედააო ამბობენ, ხოდა არ მინდა ტავტოლოგიად ჩამითვალოთ.. უბრალოდ ცოდნის დედასთან მაქვს ამჯერად საქმე. ფაქტია რომ ისევ მიწევს ამ თემის წინა პლანზე, (მდელოზე, დაფაზე, სააშკარაოზე და ასე შემდეგ ) წამოწევა. რამდენიც არ ვიყვირე "გურია არსებობს" და ის ისევ იქ არის სადაც იყოთქო, შედეგი მაინც არ მოიტანა. ეტყობა მარტო ერთი ადამიანის ყვირილი არ შველის ამ საქმეს. უბრალოდ გადაიკითხეს პოსტი, "კაია გურული იუმორიო" და გზა განაგრძნეს. მართალია გურული იუმორი ნებისმიერ კლიმატში, ნებისმიერ ნიადაგზე და ნებისმიერ შემთხვევაში ადაბტირებადი (ვისთვის მწარე და ვისთვის ტკბილი) "ხილია". მაგრამ მთლად ამ "ხილის" ამარა რომ დარჩა გურია და მისი უხვმსხმოიარობაც ვერ შველის დიდად ვერაფერს - ეგეც ფაქტია. ყველაზე ელემენტარულიც კი, რუსთავი 2 ის ამნდის პროგნოზში მოხვედრაც უფრო რთული საქმე ყოფილა ვიდრე ბენლადენის მკვლელობა.