17.04.2010

შაბათმა-ც ჩაიარა

მოვედი. დავიღალე, მაგრამ კარგი ყოფილა მზე.
დღეისთვის დაგეგმილი მისია შევასრულე. ასეთი გემრიელი შაბათი კარგა ხანია არ მქონია.
მზის გულზე ვიჯექით და კატის კნუტებივით გატრუნულებმა, მზეს მიფიცხებულებმა მივხვდით რომ საუბარი მოიცდიდა. მზით ვიმუხტებოდით. ლუდიც მოგვიტანეს და "სიფთაც" გავხსენით...

ეს ახლა ვსხედვართ ასე ლაღად და ფრთაგაშლილად თორე რამოდენიმე თვე და აქ ჭყლეტა იქნება. მანამდე უნდა მოვიბეზროთ, მოვიძულოთ და მოვიყეჭოთ.
ზღვა არ ღელავდა. შაბათი იყო მისთვისაც.
 გამოცოცხლებულ ბულვარში მოჭუკჭუკე წყვილების და საბავშვო ეტლებით მოსეირნე დედიკოების შესაშური სიმრავლე უკვე საგრძნობი იყო. იყო აბა რა, 2 კილომეტრი გავიარე და სკამი ვერ ვნახე თავისუფლად. ძალიან მონდომებულნი უკვე მზით ირუჯებოდნენ. ნაკლებად მონდომებულნი შორიახლოს იჯდნენ და სიგარეტს ეწეოდნენ. ვისთვსაც ესეც დასაზარი იყო, იქვე ფიჭვნარში, ჩეროში ისვენებდა. ხოლო ვისაც სიარულიც, ხეტიალიც, მზეც, ზღვაც, ლუდიც და სუნთქვაც ეზარებოდა ფერიის სასაფლაოზე ისვენებდა.

ღობე შემოცლილ შერატონსაც სიამოვნებდა ეტყობა მზე. ცოტა გადახრილიც კი მეჩვენა...

მშვენიერი გამოდგა ლუდის მიღების პროცედურა ღია აივანზე. მერე ნავსადგურისკენ გასეირნება. იქ ამერიკელები ჩამოსულან ნაცრისფერი საბრძოლო ფრეგატით, რომელის სიმშვიდესაც ჩვენი პაწაწუნა კატარღები იცავდნენ. სანაპიროზე მეთევზეთა რიგი იდგა,  მოქნეული ანკესების, დამშეული თოლიების, ანკესზე მომსხლტალი თევზისგან გაბრაზებული მეთევზეების და მოყიჟინე პატარების ხმები ერთმანეთში ირეოდა. 
მერე ბინდი ჩამოწვა და დიდი. გემრიელი პიცის დროც მოვიდა.მ...
ძალიან გემრიელის.
მერე ისევ ქუჩები. ლამპიონებით განათებული ბათუმი და მერე უცაბედი აღმოჩენა " აქ ხო ვიყავით?! რა პატარაა ბათუმი! ყავა?! ყავა!"

ხოოდა აი ასეთი იყო შაბათი. ხვალ კვირააო ამბობენ. არ მინდა წინასწარ დავგეგმო. ვნახოთ რა იქნება.

Post a Comment

7 комментариев:

  1. მშვენიერი შაბათი გქონია, რა გინდა :)
    მე არც ლუდი მქონდა, არც მზე. სამაგიეროდ მქონდა ორი დედლაინი, გრიპი, რომელიც საიდანღაც გამოტყვრა და ლექსების გამოფენა. ეს უკანასკნელი მშვენიერი იყო, უბრალოდ ჩემმა ფავორიტმა ვერ გაიმარჯვა.

    ОтветитьУдалить
  2. კი შაბათი კარგი იყო. გრიპი სად მოიძიე?!
    ლექსების გამოფენაზე ხვალ მეც მოვდივარ. ვნახავ ერთი რას ფენენ :)

    ОтветитьУдалить
  3. აი ეგეთ ბათუმში მინდა თუნდაც ერთი დღე... თქვენ თითქმის ჩემი საოცნებო დღე აღწერეთ ბათუმში :) მომინდა ძალიან

    ОтветитьУдалить
  4. :) ხოდა სწორედ მასეთი დღეების დეკადა დაიწყება მალეეეე :)

    ОтветитьУдалить
  5. ხოდა ბედნიერებაა.. ახლა მინდა მანდ და არა ივლის-აგვისტოში... დამსვენებლად არ მინდა, შორტიან-შლოპანციანი ხალხის ყურება არ მინდა... წყნარ ბათუმში მინდა, წყნარსა და მზიანში
    ჩემი ბათუმელი მეგობარი ყოველი წლის მაისში მპატიჟებდა - ჩამოდი, ყველაზე კარგი ბათუმი და ზღვა ახლააო :)

    ОтветитьУдалить
  6. mshvenieri dge gqonia :)

    p.s. isa pizza mominda. ra magari suraTi gidevs

    ОтветитьУдалить
  7. უუხ, დიდი სიამოვნებით გავიმეორებდი მაგ პიცას.... დიიიდი სიამოვნებით

    ОтветитьУдалить

და შენ რას ფიქრობ ამის თაობაზე ?!