01.10.2009

შვებულება დაიწყოო


დღეს შვებულებაში გავედი. გავიგო ერთი რაა ეს შვებულება, ყველა რო თავს იგიჟებს და მისტირის მეთქი და აი. კი გაუძნელდათ, თითქოს მათი შვებულებით ვსარგებლობდი, მაგრამ რას იზამ ;)
მერე კურსელებმა დამირეკეს და ხინკალზე გავედით.იქედან გამომდინარე რომ იშვიათად ვნახულობთ ერთმანეთს , ასეთი შეხვედრები ძალიან გვსიამოვნებს. ერთი ქობულეთიდანაც ჩამოფრინდა. კი დავცინეთ ხინკალმა მოგხიბლა და მაგიტომო, მაგრამ მაინც ხო ჩამოვიდა.
ხინკალს ერთი თვისება აქვს. რაც ძალიან არ მომწონს. ჯერ დიდი ხანი აგვიანდება, სანამ მოიხარშება დაგავიწყდება რისთვის ზიხარ. მერე კი ლოდინით დაქანცული მიასკდები ამ ცომეულს, დააცხრები და მერე ისეთი მოთენთილი ხარ რომ საუბრის თავიც აღარ გაქვს. ძალაუნებურად ტახტზე, ტელევიზორზე და... მოკლედ ჰორიზონტალური მდგომარეობა გენატრება...
თუმცა სანამ ხინკალს დავაცხდებოდეთ ამ საწყალ მეგობარს დავაცხრით. საქმე იმაშია რომ სახლში შეუჩდნენ ცოოლი მოიყვანეო. ცოტათი სასაცილო მაგრამ არაუცხო საკითხია ყველა იმ მამაკაცისთვის ვინაც ჯერ არ აპირებს დაოჯახებას და თავისუფლება ურჩევნია. მაგრამ მშობლებს ეგ არ ანაღვებთ... რა ვქნა, დამგრუზესო. არადა ნაღდად ასე იქნებოდა დარწმუნებული ვარ.
ისე საინტერესო რამაა. თუ კაცი არ ქორწინდება ეჩიჩინებიან. "ოო, გეყო ახლა გულავი, ხო ხედავ შენებს შვილიშვილი უნდათ, რა გახდა მართლა ერთი კაი გოგო" და ასე ამგვარად სხვადასხა ინტერპრეტაციით. ვითომ "კარგი გოგო" სადმე "იდოს" დახლზე და მისვლა და აღება აკლდეს, მერე დადებ სახლში და ეგაა :)
ჩემთან ეგ საქმე ასე თუ ისე მოვაგვარე. პირდაპირ მეორე საკითხზე გადავედი. შვილიშვილს მოგოყვანთ, მაგრამ ცოლი არ მინდა ჯერ მეთქი. დადუმდნენ... ჩემი მეგობარი კი ჯერ კიდე ფიქრობს სად დავიმალოო...
მამაკაცი თუ უცოლოა გამუდმებით უჩიჩუნებენ. არიქა ცოლიო. ქალი თუ გასათხოვია. უფრო სწორედ გაუთხოვარი ( ეგ უფრო კაი ტერმინია ამ შემთხვევაში) ნ რას იზამ, სად იყურებიან ეს ბიჭები. მარა არაფერია,"ობლის კვერი ცხაო,გვიან გამოცხვაო". როგორც წესი ასე უნუგეშებენ გულს. კაცო ეგ კვერი მარტო ქალებისაა? ეგებ კაცებისაც ცხვება ჯერ და რო იქნება დრო ქე დაინახავთო? არ ცხრებოდა ჩემი დაჩაგრული ძმაკაცი. რას იზამ ეგრეაა.
ხინკალი დავაგემოვნეთ, ლუდიც დავაყოლეთ. მერე სიგარეტის ბომა თვალები აგვიწვა. გარეთ გამოვედით, სხვა ბარს ვესტუმრეთ და შავ ყავაასთან ბურბონის წრუპვით ვაღიარეთ რომ ცხოვრება მშვენიერი იყო.კაბადოკიაში მოსალოდნელი ვიზიტი დავგეგმეთ. მერე ერთი ორი ტკბილი სმს მოკითხვებით და დავიშალეთ, სმსსებს გავყევით.
ნუ რა ვიცი?! შვებულების დასაწყისს არაუშავდა.

Post a Comment

4 комментария:

  1. ესეიგი ვეძებე და ვერ ვიპოვე ვერსად.
    გთხოვ შვებულებიდან რომ გამოხვალ, შენი მაილი მომწერე ფლიზ :) რაღაცის კითხვა მინდა :)

    მადლობა :)

    ОтветитьУдалить
  2. diiidi amdloba :)

    rogorc amxsovs ragac kavshiri agqvs radiostan da me da chem megobars ramodenime kitxva gvqonda :)

    ОтветитьУдалить
  3. არაფის ბატონო. მართალი ხართ- ეგ "რაღაც კავშირი" არჯეობიდან დაწყებული მენეჯერობით დამთავრებული უკვე განვლილი გზაა :)

    ОтветитьУдалить

და შენ რას ფიქრობ ამის თაობაზე ?!